Os valores éticos.
Os seres humanos vivimos nun mundo de
valores que constitúen unha <<segunda natureza>>.
Os valores son calidades obxectivas que
atopamos nas coudas ou en accións relacionadas coa acción de
preferir dos seres humanos. Teñen unha orde e dous polos, un
positivo e outro negativo.
Os valores éticos miden e regulan a
nosa realción cos demais. Isto diferénciaos de calquera outro valor
e fainos superiores. A obriga, ou deber, da que todos temos
conciencia e experiencia, é unha característica específica dos
valores morais.
Os valores morais, que se aprenden e
son efectivos coa práctica, son imprescindibles para organizar a
convivencia humana.
A educación en valores ensínanos que
na vida non todo serve, que non só paga a pena perseguir obxectivos
honestos e valiosos, senón que tamén os medios que utilicemos para
alcanzalos teñen que ser moralmente bos; é dicir, respectuosos coas
persoas.
1. Ensinanza e aprendizaxe de valores.
1.1. Aeducación en valores.
Os valores adquirímolos de moitas
formas e a partir de moitas influencias. A súa aprendizaxe depende
da situación social, política e económica do país; da familia e
dos amigos; da educación e do ensino recibidos, ou dos medios de
comunicación social aos que accedemos.
Desde nenos perseguimos o que nos
parece valioso e se ninguén nos educa, os nosos valores poden
limitarse a apreciar só o que satisfai as nosas necesidades
primarias.
Ademais, cada un dá prioridade a
valores e a cousas diferentes ao longo da súa vida, dependendo de
necesidades cambiantes e segundo en que situacións e circunstancias
se encontre.
Ensinar e aprender cales son os valores
fundamentais na vida é unha tarefa que se realiza mediante a
educación. Así pois, ser educado consiste en recoñecer os valores
éticos, a dignidade da persoa, como o fundamento dunha vida que
poida recoñecerse como verdadeiramente humana.
A través da educación aprendemos que
na vida non todo vale e que non só paga a pena perseguir uns
obxectivos honrados e valiosos, senón que tamén os medios que
utilicemos para alcanzalos teñen que ser moralmente bos; é dicir,
respectuosos con todas as persoas.
Comentarios
Publicar un comentario